ياصاحبي بالله تصبح على خير

ياصاحبي بالله تصبح علـى خيـر
ماعاد بـه بالقلـب للحـب غايـه
*
*
القلب جـا لـه يارفيقـي مساييـر
محو غرامـن كـان ذابـح خفايـه
*
*
واليوم ابشرك انتهـى كـل تأثيـر
والجرح طـاب وزال ربـي بلايـه
*
*
اول بعيني كنت في عالمـي غيـر
واليـوم غيـر اول وذي الحكايـه
*
*
يوم ان قلبي فيك مايسمـع مشيـر
خليتني وارخصـت عنـدك غلايـه
*
*
ارخصت حب دافنه سر فـي بيـر
حبن بذرته فـي ضمايـر حشايـه
*
*
ولوعت قلبن فيـك مالـه معاذيـر
قلبن بحبـك رافـع الفيـن رايـه
*
*
يالين طاب من الوجع صبح وعصير
وشاف الغرام اقفا وانا منـه تايـه
*
*
والحين كلن راح واقفا علـى خيـر
عندك هوا بالـك وعنـدي هوايـه
*
*
واللي فدانـي لازم افديـه تقديـر
يومه شراني بعـد شفـت النهايـه
*
*
هذا الذي يستاهل اقـول لـه غيـر
ايـوالله انـه غيـر دامـه معايـه
*
*
لكن بامان الله تصبح علـى خيـر
ماعاد بـه للحـب بالقلـب غايـه
شعر/عيد سمران